Амралтын Өдөр & Unfortunate News

Бямба гариг: Amy Whinehouse нас барж. 27настай, Лондоны уугуул, урлагийн сургууль дүүргэсэн түүнийг сонсох дуртай. Тэр Бурханаас заяасан авъяастай дуучин, хөгжимчин санагддаг надад. Тиймээс түүний дуу, хоолой байгалиасаа. Хүмүүст сонсгох гэж тэр дуулдаггүй, дуу хийдэггүй. Уран бүтээл түүний мэдрэмж, чадвараас нь бий болохдоо зүдэргээгүй бас бусдад таалагдах, татах буюу мөнгө үйлдвэрлэхээр хийгдээгүй шиг. Тэгээд ч тэр нэгэн ярилцлагадаа "би жирийн л нэг хөгжимчин" гэсэн байж билээ. Шуугиан, онхол донхолтой түүний амьдрал ... харамсал төрүүлнэ. Ховорхон авъяаслаг бүхэн тэнгэр лүү яаран дэндүү эрт яаран яваад өгөх юм ... Dear, you are in our hearts and rest in peace ...

Ням гариг: Өглөөний 10 цаг. Очдог номын дэлгүүр лүүгээ явлаа. Лаптоп, орчуулга хийж байгаа, уншиж байгаа номуудаа аваад. Сайхан сууна даа, өнөөдөр. Замаараа нэг газраар зогслоо. Ингээд номын дэлгүүртээ ирлээ. Урьд хэлж байсандаа, энд интернэт, кофе шоп, уншлагын булантай гээд. Гэтэл дампуурлын улмаас хааж байна. Өвөл зарим дэлгүүрүүд нь хааж байгааг уншаад,  манай эндэх үлдлээ гэж бодож байтал. Гуниг. Энд ирээд худалдаж авахгүй, чадахгүй үнэтэй ном, сэтгүүлээ уншдаг, энд бас амьд хөгжим тоглодог ... Одоо ингээд хаагаа. Бүх бараа нь 10-40% хямдарч.  Borders, I will miss you ...