Монгол Хөрөнгөтөн

Юунаас ч болов бүү мэд, Монголын хөгжил эн тэр гээд бодлоо. Хааяа нэг харах, орж гардаг веб сайтад гарах хүмүүсийн бичлэгт бид хөгжихгүй байна гэж олонтаа гарах болж. Ихэнх нь сонгууль, намуудын талаар. Тэднээс нэг мессэж үргэлж харагдах юмаа: улс төрийн албанд байгаа цөөнх нь баяжлаа, ашиглалаа, хэрэглэлээ, нам хэрэггүй, бүр ерөнхийлэгч хүртэл нам хэрэггүй гэж. Хөгжихгүй байгаад нь нам улс төрийнхэн гол буруутан аж.

Японд 8 жил гаран амьдраад, цунамийн улмаас Монголд суурьшсан найзтайгаа ярьсан санаанд орлоо.  Монголд баян хоосны ялгаа аймшигтай байнаа. Баячууд харуул хамгаалалттай Америк маягийн том байшинд, хүүхдүүд нь англиар ярих юмаа ... уул уурхай дагасан хөрөнгөлөг хүмүүс нь хэд хэдэн гэр бүлтэй. Бүр гайхмаар... Баян хоосны ялгаа улам л ихсэх байх. Үндэсний бизнесмэнүүдэд хамаг мөнгө хуримтлагдаж байх шиг. Жишээ нь: нэртэй нэг компани ноолууран эдлэл, үүрэн телефон, утаагүй зуух, гадны хувцаснуудыг оруулж зараx гм маягаар "нийт монголын мөнгийг хамаад асар их мөнгөтөн" болоод байгаагаас гаднаас ядаж зэргэлдээ орших хоёр асар том зах зээл Орос, Хятадаас мөнгө чирч ирээд байна уу? Эсвэл теxник теxнологийн үйлдвэрлэл алга. Ингэхээр баян хоосны ялгаа улам үргэлжлэх болов уу, гутрaлын байдалтай тиймэрхүү санагдаад ...

Тиймээ, Би Төгс Төгөлдөр Биш

Тиймээ, би төгс төгөлдөр нь биш. Хэзээ ч байгаагүй, байхгүй, бас болохгүй. Байхыг ч хүсэхгүй. Алддаг, онодог. Гэмшдэг бас харамсдаг. Хэн нэгнийг гомдоосноо хүлээж, ахин гомдоохгүйг хичээдэг. Сонсож бас хуваалцаж чадна. Хэл яриа байдаг болохоор ойлголцохгүй, ярьж болохгүй зүйл байхгүй байхаа, тиймүү.

Ойр дотныхон ч адил. Төгс төгөлдөрүүд биш. Тийм болохоор санал зөрөх, муудалцах байх. Гэхдээ л ойр дотныхон, эцэг эх, гэр бүлийнхнээсээ татгалзаад сольдоггүй байхаа. Сайн муу бүх л чанартайгаа байгаа тэд миний эцэг эх, гэр бүл ойр дотныхон. Хайрласан нэгэн ч алдаж онодог л нэгэн, бусад хүмүүсийн адил. Тэр л нэгнийг алдсан үед нь орхиж, чи бид таарахгүй ээ гэх нь гунигтай ч олонтаа тохиолддог ...

Нутаг

Ням гаригийн өглөө. Бараг 10.00 гээд орноосоо бослоо. Комьютер. Мессенжэр. Хуучны танил. Улаанбаатарт аль хэдийн шөнө дунд өнгөрч.

- Сайнуу, сонин хүнтэй таарлаа.
- Сайн.
- Чи шөнө суудаг хэвээрээ байнаа.
- Хэхэ, тиймээ. Номон дээрээ ажиллаад л ...
- Сайн өвөлжиж байна уу?
- Гайгүй дээ. Өдөртөө  -25-30 шөнөдөө -40 хэмтэй л байна.
...
Бодол. Улаанбаатарт байгаа хүмүүс ч гайгүй биз дээ. Байрныхан. Хөдөө л хэцүү байгаа байх даа, малтай ...

Бас нэгэн найзтайгаа орой нь ярилаа.
...
 Н: Монголд их хүйтэн байна гэнээ.
Lily: Харин тэгж байна. Хөдөө л илүү хэцүү байгаа байх даа.
 Н: Өндийж байхад нь Монголыг минь яах нь вэ?
...